Jaane kahan gaye woh din......

Jaane kahan gaye woh din...

Jab mitti ke ghar bante they...

Raet se khela kartey they...

Yeh tera woh mera, kartey they...

Jaane kahan gaye woh din...

Woh kagaz ka mendhak...

Woh kagaz ki naav...

Woh barish me bheegna...

Woh ped ki chaav...

Jaane kahan gaye woh din...

Woh jana roz utha ke basta...

Kitna lamba lagta tha rasta...

Pata na tha rishton ka matlab...

Apna toe bas homework ka jhanjhat...

Jaane kahan gaye woh din...

Woh karna class me chupke se baatien...

Woh khana roz teacher ki datien...

Murga banna wahin tha seekha...

Do toffee ke aage sab kuch tha feeka...

Jaane kahan gaye woh din...

Woh pencil ka box,eraser aur cutter...

Class me karna woh chattar pattar...

Phir saamne ki bench ka naam lagana...

Bahar jaane ka woh toilet wala bahana...

Jaane kahan gaye woh din...

Woh uthna roz savere savere...

Woh chote se dost woh pyaare se chehre...

Wahi sab toe bas duniya thi apni...

Class me toe bas Soniya thi apni...

Jaane kahan gaye woh din...

Chaddhi pahan ke phool khile they...

Kuch dost bichde kuch naye mile they...

Baitha akela kuch soch raha tha...

Jaane kya tha jo khoj raha tha...

Phir bhi kuch hai,kuch kahin to kam hai...

Aaj ki khushi ya Puraani yadon ka gham hai...

Guzar rahi hai abb in sabke bin...

Jaane kahan gaye woh din...

Jaane kahan gaye woh din...

----------ahmad----------