Kal kaha usne jo mujhse......
Kal kaha usne jo mujhse phir se telephone par,
Main bahut thak gayi hun baat kar sakti nahi,
Tumko aana hai toe aao main milne aa sakti nahi,
Pyaar karti hun bahut par roz kah sakti nahi,
Yaad bhi karti hun lekin aaj mil sakti nahi,
Tumko aana hai toe aao main milne aa sakti nahi....
Dil pe patthar rakh-ke aaj main bhi kah gaya,
Tum bahut masroof ho toe main kuch masroof hun,
Tum bahut ho thak gayi toe main bhi thak ke choor hun,
Tumse milne ko hamesha dil toe karta hai mera,
Meri palkon ki kataron per har pal pahra hai tera...,
Tum agar mashgool ho ...waqt keemti mera bhi hai,
Kuch doston se mera aaj zaroori milna bhi hai,
Tera hi naam likhta hun aur kya aata hai mujhe,
Tere siva na koyi aur bhata hai mujhe,
Kuch office ka kaam hai aur sirf yahi sham hai...
Kuch bhi ho zahan me mere har waqt tera naam hai...
Neend bhi abb in ankhon se bhari ho chali...
Raat bhi abb odh ke bistar kahin kho chali...
Kal subah office bhi jaldi jana hai mujhe...
Nashta bana ke khud hi khana hai mujhe...
Roz toe aata hun milne.. aaj tum aa sakti nahi...!!!
Haan bahut ho thak gayi tum baat kar sakti nahi...
Gala apni anna ka roz “ahmad”ghot sakta nahi,
Tum nahi aa sakti ho milne toe main bhi aa sakta nahi,
Yun toe mere sare lamhe bas tere hi naam hain...
Tum agar masroof ho toe mujhko laakhon kaam hain,
Kah-ke usse sari batien phone dil pe rakh liya...
Odh ke apni anna ki chadar dil pe patthar rakh liya...
---------- ahmad----------
